فلڈ فورکاسٹنگ ڈویژن کی وارننگ کے مطابق مقبوضہ کشمیر اور بھارت میں بارشوں کی وجہ سے اگلے 72 گھنٹوں میں دریائے چناب میں مرالہ کے مقام پر اونچے درجے کا سیلاب متوقع ہے۔ جس کی وجہ سے ناروال ، منڈی بہاوالدین، حافظ آباد، جھنگ سمیت متعدد علاقوں میں دریا کے کنارے آبادیوں اور فصلوں کو نقصان پہنچ سکتا ہے۔دريائے جہلم ميں بھي منگلا کے مقام پر اونچے درجے کے سيلاب کا خدشہ ہے۔ ۔تاہم دريائے جہلم کا پاني منگلا جھيل کو جلد بھرنے ميں مددگار ثابت ہوگا۔ فلڈ فورکاسٹنگ ڈویژن نے دريائے راوي اور چناب کے معاون نالوں اور ڈي جي خان کے رودکوہي نالوں ميں بھي طغياني کي پيشگوئي کي ہے۔
