تحریر: محمد لقمان
اس برس لاہور سميت پاکستان کے مختلف علاقوں ميں جون کے مہينے ميں معمول سے کئي گنا زيادہ بارش ريکارڈ کي گئي ہے۔لاہور ميں جون کے لئے اوسط بارش 55 ملي ميٹر ہے۔ مگر اس سال اب تک 200 ملي ميٹر سے زائد بارش ہوچکي ہے۔فيصل آباد ميں 43 ملي ميٹر کي بجائے 77 ملي ميٹر، ملتان ميں 13 ملي ميٹر کي اوسط کے مقابلے ميں 81 ملي ميٹر بارش ہوئي ہے۔ بہاولپور اور اسلام آباد ميں بھي ايسے ہي حالات ہيں۔ چيف ميٹرولوجسٹ محمد رياض کے مطابق ماحولياتي تبديليوں اور اس سے جڑے ہوئے گلوبل وارمنگ کے عمل کي وجہ سے شديد موسمي حالات سامنے آ رہے ہيں۔ گرم موسم کي طوالت ، موسم سرما کے دورانيے ميں کمي، موسم برسات سے پہلے شديد بارشيں اس بات کي غماز ہيں کہ صديوں سے جاري موسمياتي عمل بري طرح متاثر ہوا ہے۔ اس برس جون ميں بارشوں کے متعدد سلسلوں کي وجہ سے آم اور کپاس کي فصليں بري طرح متاثر ہوئيں۔ بارشوں کي وجہ سے خريف کي فصلوں پر کيڑوں اور بيماريوں کے حملوں ميں بھي تيزي آگئي ہے۔اس کے برعکس چاول کي پنيري کي منتقلي کا عمل تيز ہوا ہے۔ محکمہ موسميات نے جولائي ميں معمول کے مطابق بارشوں کي پيشگوئي کي ہے جبکہ اگست اور ستمبر ميں بارشوں کي شدت کم ہوسکتي ہے۔
